Кідок беларускі Сныцінай узначаліў топ-5 на ЧС ў баскетболе

• 29.09.2014, 20:48

Трохбалавы кідок гульчыхі нацыянальнай каманды Беларусі Кацярыны Сныцінай узначаліў топ-5 найлепшых момантаў другога гульнявога дня чэмпіянату свету ў баскетболе сярод жанчын.

28 верасня ў матчы групавой стадыі супраць каманды Кубы Кацярына Сныціна забіла тры балы на астатніх сэкундах чацвёртай чвэрці, і гэты кідок стаўся вызначальным у гульні. Каманда Беларусі атрымала перамогу - 70:69, якая вывела яе ў плэй-оф, нагадвае БелаПАН.

30 верасня нацыянальная каманда Беларусі згуляе заключны матч у групе С - супраць Аўстраліі.