У Анжалікі Борыс мытнікі правяраюць запісы ў нататніку

• 29.09.2014, 15:57

На беларуска-польскім памежным пераходзе затрымалі прадстаўнікоў Саюза палякаў Беларусі Мечыслава Яскевіча і Анжэліку Борыс.

Старшыню непрызнанага беларускімі ўладамі Саюза палякаў Беларусі Мечыслава Яскевіча і старшыню Рады СПБ Анжэліку Борыс затрымалі сёння раніцай на памежным пераходзе «Брузгі». Яны ехалі ў Польшчу, паведамляе «Радыё Свабода».

Са слоў прэс-сакратара СПБ Анджэя Пісальніка, Яскевіча і Борыс трымаюць ужо каля трох гадзін. Іх асабістыя рэчы ўзялі на праверку.

Пісальнік распавёў, што ў Борыс былі з сабой прыватныя нататкі і іх цяпер вывучаюць і капіююць мытнікі.