У панядзелак паветра прагрэецца да 20 градусаў

• 28.09.2014, 13:11

У Беларусі 29 верасня чакаецца воблачнае з праясненнямі надвор'е.

Пра гэта паведамілі БелТА ў Рэспубліканскім гідраметэацэнтры.

Будзе пераважна без ападкаў, толькі днём месцамі па паўночным усходзе рэспублікі пройдуць невялікія кароткачасовыя дажджы. Ноччу і раніцай у некаторых раёнах прагназуецца туман. Вецер чакаецца заходні ўмераны.

Тэмпература паветра ўначы складзе плюс 3-9 градусаў, днём паветра прагрэецца да 13-20 градусаў.

З серады, 1 кастрычніка, сіноптыкі абяцаюць пахаладанне.