Парашэнка: Яшчэ 12 украінскіх вайскоўцаў вызвалілі з палону

• 28.09.2014, 13:04

Сёння ноччу з палону баевікоў былі вызваленыя 12 украінскіх вайскоўцаў.

Пра гэта паведаміў прэзідэнт Украіны Пётр Парашэнка, паведамляе УНІАН.

З ягоных звестак, вайскоўцы ўтрымліваліся ў Данецку, Луганску і Краснадоне.

Паводле дадзеных СБУ, на стан на 23 верасня, у палоне ў тэрарыстаў на Данбасе заставаліся блізу 700 украінскіх вайскоўцаў. За апошнія дні былі вызваленыя некалькі дзесяткаў чалавек.