Месі забіў 400-ы мяч за кар'еру
- 28.09.2014, 10:59
Нападнік гішпанскай «Барселоны» і зборнай Аргентыны Ліянэль Месі забіў 400-ы мяч за кар'еру.
Юбілей футбаліст адсвяткаваў у матчы чэмпіянату Гішпаніі супраць «Гранады» (6:0). Пра гэта паведамляе «Чэмпіянат».
«Ніколі не думаў, што змагу дасягнуць чаго-небудзь такоўскага ў сваёй кар'еры. Дзякуй за віншаванні. Я прадоўжу ўпарта працаваць для дасягнення вялікіх мэтаў. Абдымаю ўсіх», - напісаў Месі ў сваім Facebook.
Каб дасягнуць адзнакі ў 400 галоў, Месі спатрэбілася правесці 525 матчаў. 42 мячы гулец забіў за зборную Аргентыны, піша Lenta.ru.
На гэты момант у актыве нападніка «Барселоны» ужо 401 гол - у матчы з «Гранада», які адбыўся ў суботу, 27 верасня, і закончыўся перамогай сіне-гранатавых з лікам 6:0, ён адзначыўся дублем.
Ліянэль Месі пачаў выступаць за «Барселону» ў 2000 годзе ва ўзросце трынаццаці гадоў. У сваім першым матчы за маладзевую каманду нападнік забіў чатыры мячы. Праз чатыры гады ён дэбютаваў за асноўны склад, згуляўшы ў барселонскім дэрбі супраць «Эспаньёла».