Прэзідэнту Чэхіі даслалі ліст з пагрозамі і белым парашком

• 24.09.2014, 17:45

У сераду ў адрас Пражскага Граду - рэзідэнцыі прэзідэнта Чэшскай Рэспублікі быў накіраваны ліст, які змяшчае пагрозы і белы парашок.

Пра гэта паведамляе "Радыё Свабода".

Ліст, як паведамляюць чэшскія СМІ, напісаны на чэшскай мове і адрасаваны асабіста прэзідэнту Мілашу Земану. Аднак цяпер прэзідэнта няма ў Празе, ён знаходзіцца з візітам у Злінскім краі Чэхіі. Мілаш Земан пра паступленне гэтага ліста быў праінфармаваны.

Інфармацыю пра ліст з пагрозамі і белым парашком на адрас прэзідэнта Чэхіі паліцыя атрымала а 11.45.

Паліцыянты цяпер вывучаюць змесціва ліста. Як заявіла прэс-сакратарка Прэзідыума паліцыі Чэшскай Рэспублікі Яна Мацалікава, экспэртыза можа доўжыцца некалькі дзён.