У Гародні распачаўся Фэст сыру

• 21.09.2014, 10:40

20 верасня ў Гародні прайшла адкрытая частка першага ў рэгіёне сырнага Фэсту.

Як і прамінулы надоечы фэст піва, гэтае свята таксама сталася тэматычным - усё было прысвечана гэтаму малочнаму прадукту: гульні, конкурсы, аўкцыён і нават свая фэставая валюта «сырнікі», піша «Блог Гродно».

Бадай, мінулая суботу падарыла гарадзенцам выдатную магчымасць параўнаць малочную прадукцыю вытворцаў з Гародні, Шчучына, Наваградка, Ліды, Ашмянаў і Любані, расплаціўшыся за бясплатную дэгустацыю сваімі галасамі ў конкурсе на найлепшы сыр фэсту.