У Менск прывязуць шакаладную Эйфелеву вежу

• 2.09.2014, 10:55

Дзіўныя вырабы з сімферопальскага Музея шакаладу можна будзе ўбачыць з 4 да 9 верасня.

Як паведамілі карэспандэнту «Менск Навіны» арганізатары выставы, якая пройдзе ў Нацыянальным гістарычным музеі, экспазіцыя налічвае 200 разнастайных вырабаў з шакаладу. Жамчужынай з'яўляецца дакладная копія Эйфелевай вежы вышынёй 2 м і вагой 45 кг.

Дарэчы, украінскі майстар Мікалай Папоў стварыў цэлы шэраг шэдэўраў, прысвечаных культурным мясцінам Беларусі.

Госці выставы прадэгустуюць неверагодныя смачнасці і даведаюцца гісторыю ўнікальнага музея шакаладу. А яшчэ ў дзень адкрыцця аўтар шакаладных цудаў правядзе серыю майстар-класаў, дзе ўсе жадаючыя змогуць прыгатаваць цукерку сваімі рукамі.