Па цэнтры Салігорска пасвіліся вярблюды

• 2.09.2014, 10:00

Незвычайнае відовішча ўбачылі салігарчане, якія праходзілі па вуліцы Набярэжнай.

У парку непадалёк ад Дзіцячага пляжу спакойна скублі траву і лісце з бяроз вярблюды.

Двухгорбыя насельнікі пустыняў сталі аб'ектам для цікаўнасці дзетак і фатаграфавання, некаторыя спрабавалі пачаставаць жывёл наяўнымі пры сабе прысмакамі. Акрамя «караблёў пустыні», побач на траўцы шпацыравалі поні, козы, шатландскія каровы, піша esoligorsk.by.

З'яўленне экзатычных жывёл на салігорскай вуліцы лёгка тлумачыцца прыездам у наш горад гастрольнага цырка, добраўпарадкаванне лагера, якое вядзецца на Набярэжнай. Калі верыць сайту цырка-шапіто «Арэна», прэзентаванне жывёл у нашым горадзе пройдзе з 6 да 14 верасня.

Знаходжанне заморскіх чатырохногіх на вуліцах, дарэчы, становіцца для Салігорска не такой ужо нестандартнай з'явай. Мінулай восенню, напрыклад, амаль у цэнтры горада можна было ў вольным доступе назіраць не толькі вярблюдаў, але і сланоў.