Рада бяспекі ААН абмяркоўвае аварыю «Боінга» ў Данбасе

• 19.09.2014, 18:25

Сустрэча арганізавана на запыт Расеі.

Рада бяспекі ААН праводзіць сустрэчу, на якой намеснік генеральнага сакратара гэтай арганізацыі ў палітычных пытаннях Джэфры Фэлтман выступае з дакладам аб ходзе расследавання катастрофы малайзійскага авіялайнера на ўсходзе Украіны сёлета ў ліпені, паведамляе тэлеканал Russia Today.

Пасяджэнне склікана на запыт Расеі і ў мэтах выканання рэзалюцыі 2166, прынятай РБ ААН пасля авіякатастрофы. Дакумент змяшчае зварот да генеральнага сакратара сусветнай арганізацыі Пан Гі Муну з просьбай «вызначыць магчымыя варыянты дапамогі ААН у расследаванні і падаваць Радзе Бяспекі даклады аб развіцці падзей».