ЗША рыхтуюць санкцыі супраць энэргетыкі і «абаронкі» Расеі

• 10.09.2014, 7:47

Дзярждэпартамент ЗША паведаміў аб падрыхтоўцы новых санкцый супраць Расеі

Яны закрануць фінансавы, энэргетычны і абаронны сектар эканомікі. Пра гэта заявіла прадстаўніца Дзярждэпартаменту ЗША Мары Харф, паведамляе gazeta.ru.

«Злучаныя Штаты ўзгадняюць меры ў паглыбленні і пашырэнні санкцый супраць фінансавага, энэргетычнага і абароннага сектараў эканомікі Расеі», - адзначыла Харф. Акрамя таго, прадстаўніца Дзярждэпартаменту падкрэсліла, што Вашынгтон цесна супрацоўнічае ў гэтым пытанні з Еўразвязам. Раней паведамлялася, што Вашынгтон настойвае на тым, каб ЗША і ЕЗ увялі супраць Расеі новыя санкцыі праз сітуацыю ва Украіне.

Нагадаем, 8 верасня Рада Еўразвяза прыняла новы пакет санкцый у дачыненні да РФ.