Севастопаль застаўся без святла

• 1.09.2014, 9:05

У Севастопалі з вечара нядзелі цалкам адключана электрычнасць.

Некаторыя адміністрацыйныя будынкі, а таксама караблі і воінскія часткі Чарнаморскага флота пераведзеныя на аўтаномнае харчаванне. Паводле інфармацыі ўкраінскага выдання «Вести», мясцовыя жыхары паведамляюць у сацыяльных сетках, што святла няма таксама ў Керчы, Ялце, Судаку, Саках і часткова ў Сімферопалі.

У МНС Крыма агенцтву РІА «Новости» патлумачылі, што адключэнне святла ў Севастопалі - планавае і выклікана падзеннем напружання ад станцыі ва Украіне. «МНС таксама сядзіць без святла, калі ўключаць электрычнасць, мы не ведаем», - заявіў аператар «гарачай лініі».

Севастопаль - горад на анэксаванай Расеяй Крымскай паўвыспе, у якім размешчаная галоўная вайскова-марская база Чарнаморскага флоту Расеі.