The Telegraph: Пуцін становіцца васалам Кітая
- 8.08.2014, 9:37
Прэзідэнт Расеі быў апантаны ўяўнай пагрозай з боку Захаду і кінуў сваю краіну да ног яшчэ большай пагрозы - Кітая.
Крэмль разлічвае на капітал з Кітая, каб кампенсаваць страту заходніх грошай, піша The Telegraph (пераклад - «Галоўкам»).
Аднак, як мяркуе аўтар артыкула, мара Уладзіміра Пуціна невыканальная. Лідэр Кітая Сі Цзіньпін правёў жорсткае пагадненне на будаўніцтва будучага трубаправода «Газпрома», забяспечыўшы сабе кошт блізу $ 350 за тысячу кубаметраў, што толькі трохі вышэй за выдаткі вытворчасці Расеі.
Ён падкрэслівае, што абедзве краіны з'яўляюцца канкурэнтамі ў Цэнтральнай Азіі, дзе Кітай сістэматычна будуе трубаправоды, якія парушаюць мёртвую хватку Расеі.
Кітай мае вялікія тэрытарыяльныя прэтэнзіі на Далёкі Усход Расеі, у прыватнасці на зямлі, якія забралі ў дынастыі Цын ў 19 стагоддзі. Нават калі стратэгія Пуціна з еўра-азіяцкім альянсам з Кітаем будзе паспяховай, гэта зробіць Расею васальнай дзяржавай Кітая, пастаўшчыком тавараў з мадэллю развіцця, якая вырача яе на адсталасць, адзначае аўтар артыкула.
«Гэта небяспечная ілюзія. Мы з'яўляемся сведкамі пахавання Расеі», - цытуе аўтар Аляксандра Коха, былога высокапастаўленага чыноўніка Крамля.
«Пуцін затрымаўся ў часах халоднай вайны, глухіх да зрухаў у сусветнай уладзе. Ён быў апантаны ўяўнай пагрозай з боку старэючай мірнай Еўропы ў павольным заняпадзе, ператвараючы цалкам пераадольныя адрозненні ў непатрэбны канфлікт», - падкрэслівае аўтар артыкула.
Але, з ягоных слоў, ацэнкі Пуціна няправільныя, таму што Еўропу яму не адолець.
«У яго вырашальная сіла толькі на полі бою ва ўсходняй Еўропы. Украіна - не сябар NATO, у яе няма ніякай абароны. Захад ужо заявіў, што ён не будзе прымяняць свае сілы, калі на Украіну нападуць. Новарасея адкрытая для ягонага захопу. Але гэта ягоная апошняя смяротная карта», - падсумоўвае выданне.