Пад Гародняй перакуліўся лесавоз з драўнінай

• 7.08.2014, 17:13

Кіроўца заснуў за стырном.

Лесавоз з драўнінай перакуліўся на аўтадарозе Гародня-Астрына. Пра гэта сайту charter97.org паведамілі ў ДАІ УУС Гарадзенскага аблвыканкама.

Аварыя адбылася сёння ўночы ў Гарадзенскім раёне. Лесавоз накіроўваўся з абласнога цэнтра ў Маладзечне. На 33 кіламетры аўтадарогі Гародня-Астрына гружаны бярвёнамі аўтацягнік з прычэпам з'ехаў у левы кювет і перакуліўся.

Кіроўца вялікагруза быў прышпілены рамянём бяспекі і ў аварыі не пацярпеў. Як высветлілася, ён не заўважыў, як заснуў за стырном.

Фота: ДАІ УУС Гарадзенскага аблвыканкама