Авіяцыя Усходняй вайсковай акругі РФ паднятая па трывозе

• 7.08.2014, 15:04

Авіяцыя Усходняй вайсковай акругі (УВА) Расеі ў рамках раптоўнай праверкі боегатоўнасці войскаў была паднятая па трывозе.

Пра гэта паведаміў начальнік прэс-службы УВА палкоўнік Аляксандр Гардзееў у чацвер 7 жніўня, паведамляе РІА "Новости".

"Паводле распараджэння камандуючага войскамі Усходняй вайсковай акругі генерал-палкоўніка Сяргея Суравікіна, які праводзiць раптоўную праверку боегатоўнасці шэрагу падраздзяленняў на Камчатцы, сёння былі паднятыя па трывозе авіяцыйныя часткі УВА ў Хабараўскам краі", - паведаміў Гардзееў.

З ягоных слоў, пілоты самалётаў Су-24, Су-27, Су-30 СМ і Су-35 павінны адпрацоўваць пытанні перадыслакацыі на запасныя аэрадромы. У агульнай складанасці ў праверцы, якая будзе доўжыцца на працягу некалькіх дзён, задзейнічаны звыш двух тысяч вайскоўцаў і каля 400 адзінак вайсковай тэхнікі, у тым ліку малыя ракетныя караблі, мінныя тральшчыкі, самалёты МіГ-31, Іл-18.

Нагадаем, Расея 4-8 жніўня 2014 года праводзіць камандна-штабныя вучэнні з удзелам кіраўніцтва ваенна-паветраных сілаў і супрацьпаветранай абароны Заходняга і Цэнтральнага акругаў.

У гэтым годзе ВС Расеі правялі некалькі шырокамаштабных вучэнняў у сумежных з Украінай раёнах. У прыватнасці, у сакавіку на палігон Кузьмінкі ў Растоўскай вобласці парашутным спосабам адначасова дэсантавана паўтары тысячы вайскоўцаў, каля дзясятка адзінак баявой тэхнікі і розныя грузы.