Украінскі паўабаронца ўзмоцніць БАТЭ

• 7.08.2014, 12:50

БАТЭ папоўніўся ўкраінскім паўабаронцам Андрэем Якаўлевым у апошні дзень трансфернага акна.

Пра гэта паведамляе афіцыйны сайт клуба.

«Кантракт з нашым клубам уклаў нападнік-паўабаронца ўкраінец Андрэй Якаўлеў, які раней выступаў за «Слуцк». Навабранец БАТЭ нарадзіўся 20 лютага 1989 года ў Харкаве. Выхаванец акадэміі данецкага «Шахцёра» (першы трэнер - Анатоль Уладзіміравіч Зімонін). Рост - 178, вага - 76», - гаворыцца ў паведамленні.

Андрэй Якаўлеў гуляў за дубль данецкага «Шахцёра» (2006/07), днепрадзяржынскую «Сталь» (2007), рыжскі «Алімп» (2008), дубль данецкага «Металурга» (2009/10), узбекскі «Насаф» з Каршы (2010 ), «Палтаву» (2011), славацкі «Татран» (2011/12 - 2012/13).

У пачатку гэтага года футбаліст перабраўся ў «Слуцк», у шэрагах якога правёў у чэмпіянаце Беларусі 17 матчаў, забіў 2 галы і даў адну важную перадачу.