Арцемій Троіцкі: Пуцін замест халоднай вайны абвясціў галодную

• 7.08.2014, 10:21

Але чамусьці свайму народу.

Пра гэта ў блогу на «Эхо Москвы» напісаў музычны журналіст і грамадскі дзеяч Арцемій Троіцкі.

«Пацешнік Пуцін - замест халоднай вайны абвясціў галодную.

Але чамусьці свайму роднаму народу.

Найлепей за ўсіх сітуацыю пракаментаваў прэзідэнт Эстоніі Ільвес у сваім «Твітэры»: «Хм ... Падобна да таго, у Масквы і Брусэля стратэгічнае партнёрства: Еўразвяз пастанавіў пазбавіць Расею пазык і зброі, а Крэмль дадаў да кучы і харчаванне», - напісаў журналіст.

Нагадаем, імпарт сельскагаспадарчай прадукцыі, сыравіны і харчавання з шэрагу краін у РФ забаронены.

Санкцыі, уведзеныя Уладзімірам Пуціным закрануць тыя дзяржавы, якія ўвялі абмежавальныя меры супраць Расеі.