Сіноптыкі папярэджваюць аб туманах раніцай 1 верасня

• 31.08.2014, 15:24

У Беларусі 1 верасня чакаецца воблачнае з праясненнямі надвор'е.

Пра гэта паведамілі БелТА ў Рэспубліканскім гідраметэацэнтры.

Пераважна на паўднёвым усходзе краіны пройдуць кароткачасовыя дажджы, у асобных раёнах прагназуюцца навальніцы. У начныя і ранішнія гадзіны месцамі магчымы туман. Вецер будзе паўночна-заходні слабы да ўмеранага, пры навальніцах парывісты.

Тэмпература паветра ўначы складзе плюс 6-12 градусаў, па поўдні яна дасягне 15 градусаў цяпла. Удзень паветра прагрэецца да 15-21 градуса, па паўднёвым усходзе - да 24 градусаў.