Уладзімір Журавель: «Дынама» выпалі цікавыя і годныя клубы

• 29.08.2014, 18:36

Менскі клуб будзе сур'ёзна рыхтавацца да групавой стадыі Лігі Еўропы.

Пра гэта заявіў настаўнік «Дынама-Менск» Уладзімір Журавель, Так ён пракаментаваў вынікі лёсавання групавога этапу Лігі Еўропы, піша сайт УЕФА.

«Гэта будзе наш першы вопыт выступлення ў групавым турніры. Нам выпалі цікавыя, годныя, вядомыя ў Еўропе клубы: «Фіярэнціна», ПАОК, «Генгам». Вядома, цікава з усімі імі згуляць. Будзем сур'ёзна рыхтавацца. Мы з павагай ставімся да канкурэнтаў, таму што слабых апанентаў у групавой стадыі папросту няма», - заявіў ён.

Нагадаем, сёння сталі вядомыя вынікі лёсавання групавога этапу Лігі Еўропы. Менскае «Дынама» ў восеньскай стадыі другога ў значнасці еўракубка згуляе з «Фіярэнціна», ПАОК і «Генгамам».