Паводле факту абрынання гімназіі ў Крычаве распачатая крымінальная справа

• 29.08.2014, 15:46

Следчыя распачалі крымінальную справу ў сувязі з абрынаннем часткі будынка гімназіі ў Крычаве, плошча абрынання складае 100 км метраў.

"Упраўленнем Следчага камітэта Магілёўскай вобласці распачатая крымінальная справа паводле факта абрынання пліт перакрыцця дзяржаўнай установы адукацыі "Гімназія Крычава", - паведаміла агенцтву "Інтэрфакс-Захад" у пятніцу афіцыйная прадстаўніца УСК Аксана Саленюк.

"Крымінальная справа распачатая паводле арт.428 (службовая халатнасць) Крымінальнага кодэкса Беларусі", - удакладніла яна.

"Да цяперашняга моманту, у выніку вонкавага агляду ўстаноўлена, што адбылося абрынанне пліт перакрыцця 2-га і 1-га паверхаў прыбудовы да будынка гімназіі. Плошча абрушэння склала каля 100 кв.м", - праінфармавала Саленюк.

"Як мяркуецца, на момант абрушэння ў будынку знаходзіўся толькі вартаўнік, які не пацярпеў", - адзначыла прадстаўніца УСК.

З яе слоў, на месцы здарэння працуе следча-аператыўная група, да агляду таксама прыцягнуты спецыялісты МНС і экспэрты ўпраўлення Дзяржаўнага камітэта судовых экспэртыз у Магілёўскай вобласці. "Следчыя працягваюць працу ў правядзенні неабходных следчых дзеянняў для ўстанаўлення ўсіх абставінаў таго, што адбылося", - падкрэсліла яна.

Як паведамлялася, абрынанне часткі будынка гімназіі ў Крычаве адбылося ў пятніцу, а 08:44.