NATO і ЗША пацвердзілі ўвядзенні войскаў РФ ва Украіну

• 28.08.2014, 15:28

Пацверджаны ўдзел расейскіх вайскоўцаў ва ўварванні на тэрыторыю Украіны.

Пра гэта паведамляе Цензор.нет са спасылкай на Reuters.

Прадстаўнікі NATO і амерыканскай выведкі заявілі, што больш за тысячу расейскіх жаўнераў удзельнічаюць у ваенных дзеяннях на тэрыторыі Украіны.

Нагадаем, учора ўскраіны Новаазоўску былі абстраляныя з «Град» з тэрыторыі РФ і атакаваныя двума калонамі войскаў. На тэрыторыю Украіны яны зайшлі з Растоўскай вобласці. Расейскія войскі ў сераду, 27 жніўня, занялі і кантралююць горад Новаазоўск і шэраг населеных пунктаў Новаазоўскага, Старабешаўскага і Амвросіеўскага раёна Данецкай вобласці.