Пад Оршай з'явіліся гравюры з партрэтамі герояў ВКЛ

• 28.08.2014, 15:29

На Крапівенскім полі, дзе ў 1514 годзе адбылася Аршанская бітва, паставілі новыя памятныя камяні.

На іх змясцілі барэльефы з партрэтамі тых, хто здабываў тую перамогу: Канстанціна Астрожскага, Юрыя Радзівіла, Івана Сапегі.

Яшчэ на трох камянях выбітыя даты (1514, 500 гадоў Аршанскай перамогі) і словы з песні «Аб бітве пад Оршай», піша «Наша Нiва».

Гэта было зроблена напярэдадні 500-гадовага юбілею вялікай перамогі.

Аршанская бітва адбылася 8 верасня 1514. Тады 30-тысячнае войска ВКЛ на чале з гетманам Астрожскім разбіла 80000 войска Масковіі. Гэта адна з самых слаўных бітваў у гісторыі Беларусі.

Фота Генадзя Шэпелева