З Крыма ва Украіну спрабавалі прарвацца расейскія дыверсанты
- 28.08.2014, 14:15
Становішча на мяжы мацерыковай Украіны і акупаванага Крыму застаецца неспакойным.
Пра гэта гаворыцца ў паведамленні прэс-службы Рады нацыянальнай бяспекі і абароны Украіны.
«Учора а 20:25 памежны нарад аддзела памежнай службы «Красны Чабан» Херсонскага атрада ўступіў у бой з дыверсійна-разведвальнай групай, якая рухалася з тэрыторыі часова акупаванага Крыму на мацерыковую частку Украіны. Памежнікі ўтрымалі пазіцыі і прымусілі дыверсантаў вярнуцца на паўвостраў», - гаворыцца ў паведамленні.
У Азоўскім моры з мэтай прыкрыцця марскога ўчастка дзяржаўнай мяжы, пакуль нясуць службу 6 карабельнай-кацерных тактычных груп Марской аховы Дзяржпамежслужбы. У раёне марскога порта Марыупаль быў збіты расейскі беспілотнік.