Зміцера Крамянецкага асудзілі на 10 дзён арышту

• 26.08.2014, 17:53

Адміністрацыйная справа актывіста «Маладога фронту» Зміцера Крамянецкага разглядалася ў судзе Савецкага раёна Менска.

Яго абвінавацілі ў дробным хуліганстве (арт.17.1 КаАП РБ) - брыдкаслоўе. Суддзя - Арцём Бескішскі. Прысуд традыцыйны - 10 дзён арышту, піша ПЦ «Вясна».

Нагадаем, што Дзмітрыя Крамянецкага міліцыянты забралі проста з дому. Пра затрыманне ягоная дзяўчына паведаміла праваабаронцы Настасіі Лойцы.

Учора быў затрыманы і арыштаваны на 10 дзён актывіст Zмены Павел Вінаградаў.

Таксама супрацоўнікі міліцыі ламаліся ў кватэру актывіста «Маладога фронту» Рамана Васільева. Пра гэта паведаміў на сваёй старонцы ў сацыяльнай сетцы «Фэйсбук» Мікалай Дземідзенка.

Фота: RFE/RL