Макей злятаў у Ірак

• 24.08.2014, 14:45

Міністр замежных спраў Беларусі Уладзімір Макей здзейсніў афіцыйны візіт у Ірак.

Пра гэта charter97.org паведамілі ў прэс-службе МЗС Беларусі.

«23-24 жніўня 2014 года міністр замежных спраў Рэспублікі Беларусь Уладзімір Макей наведаў з афіцыйным візітам Рэспубліку Ірак. У склад беларускай дэлегацыі ўвайшлі прадстаўнікі кіраўніцтва міністэрства прамысловасці і канцэрна «Белнафтахім», супрацоўнікі міністэрства замежных спраў. Гэта першы візіт беларускай дэлегацыі такога ўзроўню ў Ірак з 2003 года», - паведамілі там.