МЗС Швэцыі: На тэрыторыю Украіны ўвайшлі пскоўскія дэсантнікі
- 22.08.2014, 15:48
«Канвой Пуціна», які заехаў на тэрыторыю Украіны без дазволу афіцыйнага Кіева, суправаджаюць байцы 76-й дывізіі ПДВ РФ.
Пра гэта ў пятніцу, 22 жніўня, паведаміў міністр замежных спраў Швэцыі Карл Більт.
«Відавочна, «гуманітарны канвой» уварваўся ва Украіну ў суправаджэнні вайскоўцаў 76 вайскова-паветранай дывізіі», - напісаў ён на сваёй старонцы ў сетцы мікраблогаў «Твітэр».
Таксама ён паведаміў, што ва Усходняй Украіне ўжо былі зафіксаваныя БТРы 76-й дывізіі ПДВ са Пскова.