Каля яхт-клуба ў Менскім раёне абрабавалі «Лексус»

• 21.08.2014, 11:36

З аўтамабіля была выкрадзена куртка з 5 мільёнамі беларускіх рублёў і $2 тысячамі.

Пра гэта charter97.org паведамілі ў прэс-службе УУС Менскай вобласці.

У міліцыю звярнуўся 50-гадовы мянчук з заявай аб тым, што 19 жніўня з 16:45 да 18:00 невядомы разбіў шкло ў дзвярах яго аўтамабіля "Лексус", прыпаркаванага на стаянцы паблізу "Яхт-клуба" ў вёсцы Качына ў Менскім раёне.

З аўтамабіля была выкрадзеная куртка з 5 мільёнамі беларускіх рублёў і $2 тысячамі. Распачатая крымінальная справа паводле арт.205 "Крадзеж" Крымінальнага кодэкса Беларусі, ідзе пошук зламысніка.