Жонка Парашэнкі ў вышыванцы з'явілася на вокладцы Elle

• 18.08.2014, 20:14

Жонка прэзідэнта Украіны Марына Парашэнка з'явілася на вокладцы ўкраінскага Elle ў чырвонай вышыванцы.

Акрамя фотасесіі першай лэдзі, у вераснёвым нумары глянцавага часопіса выйдзе таксама інтэрв'ю з жонкай палітыка і матэрыял аб тым, як падабраць рэчы ў яе стылі, піша Lenta.ru.

Галоўны рэдактар выдання Соня Забуга адзначае, што адносіць Марыну Парашэнку да тых гераінь, якімі «асабліва хочацца ганарыцца». Падчас працы над матэрыялам рэдакцыя часопіса натхнялася фотасесіяй Карлы Бруні-Сарказі і Мішэль Абамы, апублікаванымі ў заходніх глянцавых выданнях.

Фотасесія праходзіла ў гістарычным будынку ў цэнтры Кіева, вядомым як «дом з хімерамі». Марына Парашэнка пазіруе ў кадры ў адзенні ад украінскіх дызайнераў. У адным са здымачных сюжэтаў першая лэдзі павінна была здымацца разам з дочкамі Яўгеніяй і Аляксандрай.

Фота: ELLE.ua