Ля берагоў Інданэзіі затанула судна з турыстамі

• 17.08.2014, 13:27

Судна з 25 пасажырамі на борце затанула на ўсходзе Інданезіі.

Сярод пасажыраў знаходзіліся 20 замежнікаў, лёс 15 з іх невядомы, паведамляе Reuters са спасылкай на афіцыйнага прадстаўніка мясцовай выратавальнай службы, піша РБК.

З ягоных слоў, 10 чалавек былі выратаваныя. Сярод тых, што выратаваліся таксама ёсць грамадзяне Новай Зеландыі, Вялікабрытаніі і Іспаніі.

Судна затанула яшчэ 16 жніўня ўвечары, аднак вядома пра гэта стала толькі цяпер. У турыстычнай фірме, якая эксплуатуе судна, мяркуюць, што прычынай інцыдэнту мог стаць шторм.