Тэрарысты збілі ўкраінскі знішчальнік пад Луганскам (Відэа)
- 17.08.2014, 11:30
У Луганскай вобласці тэрарысты збілі знішчальнік МіГ-29.
Пра гэта паведамляе "ЛІГАБізнесІнформ" са спасылкай на спікера антытэрарыстычнай аперацыі Леаніда Мацюхіна.
З ягоных слоў, знішчальнік быў збіты пасля выканання баявога задання. Лётчык паспеў катапультавацца.
«У выніку выратавальна-пошукавых прац лётчык дастаўлены ў бяспечнае месца», - праінфармаваў Мацюхін.