Украінскія вайскоўцы вызвалілі Жданаўку

• 16.08.2014, 15:48

Расейскія дыверсанты і баевікі пакінулі яшчэ адзін горад Данецкай вобласці.

Прэзідэнт Украіны Пётр Парашэнка пакінуў адпаведнае паведамленне на сваёй старонцы ў сацыяльнай сетцы «Фэйсбук».

«Узброенымі сіламі Украіны вызвалены горад Жданаўка ў Данецкай вобласці. Слава Украіне!» - напісаў Парашэнка.

Раней у Радзе нацыянальнай бяспекі і абароны заяўлялі, што асноўная частка баевікоў, якія цяпер супрацьстаяць сілам антытэрарыстычнай аперацыі (АТА), плануюць пакінуць Данецкую вобласць да 18 жніўня.