«Белтэлекам» папярэджвае пра праблемы з доступам у інтэрнэт

• 14.08.2014, 12:03

РУП "Белтэлекам" папярэджвае аб магчымых кароткачасовых перапынках у доступе да інтэрнэту паводле тэхналогіяй Wi-Fi і ADSL 15 жніўня.

Пра гэта паведамілі charter97.org у прэс-службе аператара.

Перапынкі працягласцю да 15 хвілін у выкананні паслуг "Бяздротавы доступ да сеткі інтэрнэт паводле тэхналогіі Wi-Fi" і "Доступ да сеткі інтэрнэт паводле тэхналогіі ADSL" магчымыя 15 жніўня з 00.00 да 06.00 на ўсёй тэрыторыі пакрыцця. Таксама ў карыстальнікаў могуць узнікнуць праблемы з доступам да асабістага кабінета.

"Магчымыя кароткачасовыя перапынкі звязаныя з правядзеннем работ абнаўлення апаратнага комплексу", - растлумачылі ў прэс-службе "Белтэлекама".