Mercedes-Benz паказаў браняваны S600 Guard

• 11.08.2014, 11:12

S600 Guard з'яўляецца першым у свеце "ўсебакова сэртыфікаваным" аўтамабілем.

Браняваны S-Class атрымаў спецыяльна распрацаваныя ахоўныя кампанэнты, вырабленыя з адмысловага тыпу сталі, умайстраваныя ў паражнінах паміж інтэр'ерам і вонкавай ашалёўкай. Для дадатковай абароны ад аскепкаў аўтамабіль пастаўляецца з адмысловымі тэрмаўстойлівымі сінтэтычнымі валокнамі, піша autosvit.com.ua.

Усе шкляныя дзялянкі былі пакрытыя полікарбанатам, знутры маюць пластовую структуру. З візуальнага пункту гледжання, S600 Guard выглядае практычна гэтак жа, як небраняваная мадэль і можа быць як чатырох- або пяціасабовым з аб'ёмам багажніка 350 л. Пад капотам усё той жа 6,0-літровы V12 твін-турба рухавік магутнасцю 530 к.с. (390 кВт) і 830 Нм.

Ахоўнае абсталяванне ўключае ў сябе сістэму аварыйнай трывогі, непразрыстыя шторы, сістэму аварыйнай ачысткі паветра, гідраўлічныя бакавыя шыбы, заднія Gimbal LED лямпы для чытання, спецыяльны засек астуджэння і абагравання ветравой шыбіны і бакавых шыб.