Аргентынскія афіцэры атрымалі пажыццёвы тэрмін за забойства біскупа

• 5.07.2014, 10:22

Два афіцэры, што служылі ў аргентынскай арміі ў часы хунты, былі асуджаныя на пажыццёвае зняволенне паводле справы аб забойстве епіскапа ў 1976 годзе.

Як паведамляе Бі-бі-сі, Лусіяна Беньямін Менендэс і Луіс Фернанда Эстрэлья інсцэніравалі дарожную аварыю, у якой загінуў святар Энрыке Анхэлелі.

Нягледзячы на тое, што падсудныя запэўнівалі, што машына вылецела з шашы сама, следствам было ўстаноўлена, што аўтамабіль біскупа быў выштурхнуты з дарогі іншым транспартным сродкам.