BE RU EN

Італія, узначаліўшы Раду ЕЗ, абвясціла свае прыярытэты

  • 4.07.2014, 14:03

Развязанне ўкраінскага крызісу вызначана галоўным прыярытэтам палітыкі Італіі з пачатку яе старшынства ў ЕЗ, якое пачалося 1 ліпеня.

Пра гэта міністарка замежных спраў Італіі Федэрыка Магерыні заявіла ў парламенце ў Рыме, паведамляе Польскае Радыё.

Яна распавяла, што ў першую чаргу з рабочым візітам у час старшынства Італіі ў Радзе ЕЗ яна наведае Кіеў і Маскву, бо развязанне ўкраінскага крызісу вызначанае адным з прыярытэтаў палітыкі.

Кіраўніца дыпламатыі звярнула ўвагу на сімвалічнае вымярэнне свайго падарожжа: «Той факт, што ва Украіне скончылася аднастаронняе замірэнне і расце напружанне, з'яўляецца надзвычай сур'ёзным і трывожным».

«Таму мы ўзмацнілі дыпламатычныя дзеянні, - адзначыла Магерыні, падкрэсліўшы патрэбу паскарэння рэалізацыі дамоўленасцей Пагаднення аб асацыяцыі ЕЗ і Украіны. - Гэта пытанне стабільнасці і развіцця».

Апошнія навіны