СБУ падала довады абстрэлу Украіны расейскімі дыверсантамі (Фота)

• 30.07.2014, 15:26

Фота са спадарожнікаў пацвярджаюць абстрэл украінскай тэрыторыі расейскімі вайскоўцамі.

Адпаведныя здымкі былі прадэманстраваны журналістам кіраўніком СБУ Валянцінам Налівайчанка, піша "Украінская праўда".

У прыватнасці, на фота бачныя сляды ад выпуску ракет "Градаў". Дыверсанты перасякалі мяжу, усталёўвалі батарэі на глыбіні 1-2 км на ўкраінскай тэрыторыі, а пасля абстрэлаў вярталіся ў РФ.

"Гэта значыць, яны зайшлі ўсталявалі, адстралялі і вярнуліся назад, выканаўшы загады сваіх злачынных камандзіраў", - сказаў Налівайчанка.

Таксама, згодна са здымкамі, паказанымі Налівайчанкам, на тэрыторыю Украіны ўрываліся аўтамабілі тэхнічнай выведкі РФ, якія карэктавалі недалёка ад мяжы далейшыя накірункі расейскай тэхнікі і дыверсантаў да населеных пунктаў Луганскай і Данецкай абласцей.

Акрамя таго, былі прадэманстраваныя здымкі, якія даказваюць ужо даўно вядомыя факты перамяшчэння на ўкраінскай тэрыторыі расейскай вайсковай тэхнікі і груп дыверсантаў, дасланых Расеяй.

Расейская бронетэхніка і грузавікі ва ўкраінскіх вёсках. Марынаўка

Расейская бронетэхніка і грузавікі ва ўкраінскіх вёсках. Грыгароўка