Вельмі рэдкі Ferrari выстаўлены на аўкцыён за $34 мільёны

• 29.07.2014, 15:08

Адзіны ў сваім родзе Ferrari 365 P Berlinetta Speciale 1966 выпуску выстаўлены на аўкцыён Gooding & Company, які пройдзе ў жніўні.

Арганізатары таргоў разлічваюць здабыць за лот не менш за 34 мільёны даляраў, піша The Daily Mail. Гэтакі высокі кошт тлумачыцца ўнікальнымі асаблівасцямі рарытэтнага аўтамабіля: эксклюзіўным кузавам і трохмясцовым кампанаваннем салона, піша NEWSru.com.

Як адзначае Carscope, купэ 365 P Berlinetta Speciale спраектаванае на базе мадэлі Ferrari 365 і абсталяванае арыгінальным кузавам з панарамным дахам, прыдуманым дызайнерамі кузаўнога атэлье Pininfarina. Гэтая мадэль стала першым дарожным аўтамабілем Ferrari з цэнтральным размяшчэннем рухавіка.

У рух 365 P Berlinetta Speciale прыводзіць 12-цыліндравы V-абразны рухавік з трыма карбюратарамі Weber рабочым аб'ёмам 4,4 літра і магутнасцю 385 л. с. (пры 7300 аб/хв). Сілавая ўстаноўка агрэгатуецца з пяціступеністай механічнай каробкай перадач.