Пажар на Аршанскім ільнокамбінаце

• 28.07.2014, 11:40

На Аршанскім ільнокамбінаце адбылося ўзгаранне валакна.

Пра гэта паведамляе прэс-служба МНС.

Пра пажар у прадзільна-падрыхтоўчым цэху фабрыкі №1 РУВГП "Аршанскі льнокамбінат" стала вядома дзякуючы сістэме абвесткі аб НС "Маланка", якая спрацавала раніцай 27 ліпеня.

Прыбыўшы на месца здарэння, ратавальнікі выявілі моцнае задымленне ўнутры цэха, у бункеры-назапашвальніку гарэла льновалакно. Яшчэ да прыбыцця МНС з цэха самастойна эвакуяваліся тры чалавекі.

У выніку здарэння знішчаны 250 кг ільновалакна, пашкоджаны бункер-назапашвальнік, людзі не пацярпелі.

Прычына надзвычайнага здарэння і шкода высвятляюцца. Разглядаемая версія ўзнікнення пажару - траплянне старонняга прадмета ў прыёмны бункер міксера для разрыхлення валакна.