На поўдні Украіны паранілі польскую журналістку

• 27.07.2014, 20:28

Тэрарысты прыцэльна вялі агонь у журналістаў, нягледзячы на апазнавальныя знакі прэсы.

Як паведамілі ў прэс-цэнтры АТА, сёння карэспандэнтка Еспресо.TV, грамадзянка Польшчы Б'янка Залеўская атрымала цяжкае агнястрэльнае раненне ў раёне правядзення антытэрарыстычнай аперацыі. Вайскоўцы сіл АТА, аказаўшы першую медыцынскую дапамогу, тэрмінова даставілі яе ў бліжэйшую лякарню ў горадзе Старабельск Луганскай вобласці.

Улічваючы крытычны стан здароўя, параненая была неадкладна эвакуяваная верталётам у Харкаў для аказання прафесійнай медыцынскай дапамогі.