Пажарныя зладзілі маляўнічае шоу на Свіслачы

• 26.07.2014, 14:53

У гонар Дня пажарнай службы ў Менску прайшоў парад падраздзяленняў МНС.

Прафесійнае свята выратавальнікі адзначалі ўчора. Сёння ж у сталіцы Беларусі адбыўся парад пажарнай аварыйна-выратавальнай тэхнікі, піша onliner.by.

У ім бралі ўдзел і зусім старыя машыны, і новыя аўтамабілі хуткага рэагавання. Пасля параду жыхары сталіцы былі запрошаныя ў парк Горкага. Там прайшлі паказальныя выступленні ўзвода ганаровай варты. На Свіслачы супрацоўнікі МНС арганізавалі парад плаўсродкаў.