Украінскае войска не выкарыстоўвала ЗРК і авіяцыю ў дзень катастрофы «Боінга»

• 25.07.2014, 19:22

Распаўсюд інфармацыі аб дачыненні ўкраінскіх вайскоўцаў да трагедыі з'яўляюцца спробай паўплываць на вынікі незалежнага расследавання.

Пра гэта паведамляе Міністэрства абароны Украіны на сваёй старонцы ў сацыяльнай сетцы «Фэйсбук».

«Інфармацыя пра тое, што магчымай прычынай катастрофы самалёта Боінг авіякампаніі Малайзійскія авіялініі 17 ліпеня 2014 года ў небе над Данбасам можа быць няштатная сітуацыя падчас правядзення трэнінгу падраздзяленняў СПА Паветраных Сіл Узброеных Сіл Украіны, не адпавядае рэчаіснасці і можа быць успрынятая як спроба паўплываць на вынікі незалежнага расследавання трагічнай падзеі», - гаворыцца ў паведамленні.

17 ліпеня ў Данецкай вобласці пацярпеў катастрофы самалёт Boeing-777 «Малайзійскіх авіяліній», які ляцеў з Амстэрдама ў Куала-Лумпур. На борце лайнера знаходзіліся 298 чалавек, у тым ліку 15 чальцоў экіпажа.