На вуліцах Салігорска - новыя налепкі «Беларусь - у Еўропу!»
- 25.07.2014, 12:34
У сталіцы беларускіх шахцёраў прадаўжаецца кампанія прасоўвання еўрапейскіх каштоўнасцяў.
Фота новых налепак са слоганам «Беларусь - у Еўропу!» публікуе мясцовы сайт saligorsk.org.
«Нягледзячы на дзяржаўную прапаганду, якая стварае негатыўны вобраз заходнім краінам, вялікая колькасць беларусаў выступае за дэмакратычныя рэформы ў Беларусі, а таксама за больш шчыльнае супрацоўніцтва з Еўрапейскім Звязам. Відавочна, што і вялікая колькасць жыхароў Салігорска ў гэтым выпадку не з'яўляюцца выняткам», - кажуць удзельнікі акцыі.
Новыя налепкі былі расклееныя грамадскімі актывістамі на прыпынках грамадскага транспарту.