Тэрарысты з Лісічанска кінуліся на ўцёкі
- 22.07.2014, 16:34
Праз наступы ўкраінскіх сілавікоў сепаратысты пакідаюць адзін з найбуйнейшых гарадоў Луганскай вобласці.
Пра гэта паведамляюць самі тэрарысты ў сваіх групах у сацыяльных сетках. Дакладных звестак аб загінулых у выніку баявых сутыкненняў пакуль няма. Параненых баевікоў вывезлі з горада да таго, як ён быў пакінуты іх падраздзяленнямі.
Мясцовыя жыхары ўжо апублікавалі ў «Твітэры» фота гарадской рады Лісічанска з паднятым над будынкам сцягам Украіны.
Афіцыйнага пацверджання інфармацыі пакуль няма.
Раней жыхары Лісічанска запатрабавалі ад баевікоў пакінуць населены пункт да 14:00 аўторка, 22 ліпеня. Пра гэта гаворыцца ў справаздачы аналітычнага цэнтра Рады нацыянальнай бяспекі і абароны Украіны.
Разам з гарадамі Паўночнаданецкам, Рубежным, Крэменным і бліжэйшымі населенымі пунктамі горад Лісічанск утварае адну з буйных гарадскіх агламерацый Данбаса з насельніцтвам амаль 353 тысячы чалавек.