Пуцін збярэ Раду бяспекі для абмеркавання «тэрытарыяльнай цэласнасці Расеі»

• 21.07.2014, 14:38

Прэзідэнт Расеі Уладзімір Пуцін правядзе 22 ліпеня пасяджэнне Рады бяспекі.

Пра гэта паведамляе прэс-служба Крамля.

«22 ліпеня 2014 года пад старшынствам прэзідэнта адбудзецца пасяджэнне Рады Бяспекі РФ, на якой плануецца разгледзець комплекс пытанняў, звязаных з забеспячэннем суверэнітэту і тэрытарыяльнай цэласнасці Расейскай Федэрацыі», - гаворыцца ў паведамленні.

З дакладам выступіць сакратар Рады бяспекі Мікалай Патрушаў.