Украінскія БТРы з боем увайшлі ў Луганск
- 20.07.2014, 10:49
Вайскоўцы вызваляюць захоплены тэрарыстамі абласны цэнтр.
Сёння ноччу стала вядома, што ў Луганск увайшла ўкраінская бронетэхніка. Пра гэта паведамляюць у сацыяльных сетках мясцовыя жыхары.
Выданне «Падрабязнасці» адзначае, што ў ноч з суботы на нядзелю баевікі ЛНР працягнулі абстрэлы жылых раёнаў Луганску. Прыкладна а 0.30 прагучалі выбухі ў раёне былога кінатэатра «Кастрычнік» і будынку машкаледжа (раён Гусінаўкі), піша мясцовы сайт informator.lg.ua.
У інтэрнэце таксама з'явілася відэа, дзе бачны буйны пажар пасля артабстрэлу прыгарада Луганску пасёлка Юбілейнае ў суботу, 19 ліпеня.