Хадаркоўскі: Якім малпам і чаму трапіла ў рукі такая зброя?

• 19.07.2014, 19:06

За атаку на «Боінг» адказнасць павінны панесці «сур'ёзныя людзі».

Пра гэта заявіў былы расейскі алігарх і палітвязень Міхаіл Хадаркоўскі.

«Усе нармальныя людзі, вядома, перажываюць праз тое, што адбылося. Прычыны агульнага плану таксама відавочныя. Але гэта не здымае канкрэтнага пытання: якім малпам і чаму трапіла ў рукі такая зброя?

За падобнае сур'ёзную адказнасць павінны несці сур'ёзныя людзі, інакш у наступны раз як бы нам не давялося жахнуцца «выпадковаму» прымяненню зброі масавага паражэння», - заявіў ён.

«Боінг-777» авіякампаніі Malaysia Airlines, які рабіў рэйс Амстэрдам - Куала-Лумпур, разбіўся ў чацвер вечарам у Данецкай вобласці. Усе, 298 чалавек, якія былі на яго борце, загінулі.