Тэрарысты хаваюць абломкі збітага «Боінга»

• 19.07.2014, 13:01

Баевікі прыступілі да вывазу абломкаў збітага пасажырскага самалёта ў невядомым накірунку.

Пра гэта паведаміў на сваёй старонцы ў сацыяльнай сетцы «Фэйсбук» дарадца старшыні Данецкай абласной дзяржаўнай адміністрацыі Канстанцін Батозскі.

«Раніцай баевікі падагналі да месца падзення малайзійскага лайнера цяжкія краны і грузавікі і прыступілі да эвакуацыі абломкаў самалёта ў невядомым кірунку», - напісаў ён.

Батозскі таксама пацвердзіў, што тэрарысты перавезлі 37 целаў загінулых у Данецкае абласное бюро судова-медыцынскай экспертызы (праспект Ільіча, 14, тэрыторыя лякарні Калініна). «Лекары працуюць пад кантролем узброеных людзей у масках, ачапілі будынак», - дадаў ён.

Нагадаем, сёння прэс-служба Кабінета міністраў Украіны паведаміла, што тэрарысты пры падтрымцы Расеі спрабуюць знішчыць доказы міжнароднага злачынства.