Новая «будоўля стагоддзя» - футбольны стадыён

• 18.07.2014, 19:22

Лукашэнка ў пятніцу падпісаў указ N357 «Аб рэалізацыі інвестыцыйнага праекта ў будаўніцтве шматфункцыянальнага комплексу ў Менску».

Як паведамілі ў ягонай прэс-службе, «дакументам прадугледжана да 31 снежня 2018 г рэалізаваць інвестыцыйны праекта будаўніцтва шматфункцыянальнага комплексу ў межах Партызанскага праспекта - вуліц Ванеева - Даўгабродскай у Менску».

Там адзначылі, што праект прадугледжвае будаўніцтва нацыянальнага футбольнага стадыёна ў адпаведнасці з крытэрамі 4-й катэгорыі рэгламенту UEFA на 33-35 тыс пасадачных месцаў.

Акрамя таго, для стварэння адзінага архітэктурнага комплексу праектаваны новы нацыянальны стадыён і гандлёвы цэнтр ўвязаныя з дзеючым стадыёнам «Трактар» і домам фізічнай культуры «Кольцы Славы».