Журналістка Russia Today: Мы працуем на Пуціна і скрыўляем праўду
- 18.07.2014, 16:44
Карэспандэнтка крамлёўскага тэлеканала Сара Фірс звольнілася з яго са скандалам.
Аб сыходзе з Russia Today яна напісала на сваёй старонцы ў сетцы мікраблогаў «Твітэр».
«Я звальняюся сёння. У мяне вялікая павага да шмат каго ў гэтай камандзе, але я за праўду», - паведаміла Сара Фірс.
Некалькімі пастамі раней журналістка больш падрабязна патлумачыла прычыны свайго звальнення. «Мы працуем для Пуціна. Нас просяць штодня калі не ігнараваць, то скрыўляць праўду», - заявіла яна.