10 кіламетраў Мухаўца здалі ў арэнду

• 17.07.2014, 16:42

ТАА «Белэлектрасбудмантаж» будзе займацца промыславай лоўляй рыбы на адцінку ракі.

Цікавае фота даслаў на гарачую лінію партала «Віртуальны Брэст» чытач. Такія плакаты ўстаноўленыя на Мухаўцы, адцінак ад Берасця і да аўтатрасы М1. Раку на гэтым участку здалі ў арэнду ТАА «Белэлектрасбудмантаж» тэрмінам на 10 гадоў. Азначанае ТАА можа займацца прамысловай лоўляй рыбы, у тым ліку і сеткамі. Цікава, што зарыблівать раку, мяркуючы з усяго, як раз не збіраюцца, бо зрабіць гэта немагчыма - рыба проста сыдзе за межы адцінка, які ўзяты ў арэнду.

А што ж рабіць простым рыбакам? Пакуль рыхтуюцца дакументы для арганізацыі магчымасці платнай рыбалкі, само сабой, на гэтым этапе рыбакі ў асноўнай сваёй масе ігнаруюць гэтыя плакаты, і ловяць рыбу як і раней, але гэта ўжо - незаконна, прадугледжаныя даволі высокія штрафы за парушэнне правілаў.